Ashtu sikur paralajmëroi, Albin Kurti dha hisen e tij në rezultatet e zgjedhjeve për Kuvend të Shqipërisë. Fiks në orën nëntë të mëngjesit, kryeministri i Kosovës u shfaq tek Blloku në Tiranë për të hedhur votën e tij meqë këtë të drejtë ia garanton nënshtetësia e tij shqiptare.
Kurti foli shkurt për pjesëmarrjen e tij në procesin zgjedhor të së dielës, e meqë gjatë ditës pati heshtje zgjedhore, shefi i ekzekutivit e respektoi atë duke dalë pak edhe nga roli i të qenit vetëm kryeministër duke e komentuar edhe motin.
Matanë kufirit shkuan edhe kosovarë tjerë që mbajnë edhe pozita shtetërore e partiake në Kosovë.
Ministri i Infrastrukturës dhe Ambientit , Liburn Aliu, kreu i AKR-së dhe deputeti Behxhet Pacolli, kryetari i Drenasit Ramiz Lladrovci, kryetari i AAK-së në Prishtinë Brahim Mehmetaj, e ish ministri i Tregtisë Bajram Hasani.
Në njërën nga qendrat e votimit u pa edhe kryetarja e Komisionit Qendror Zgjedhor në Kosovë, Valdete Daka, e cila tha se nuk do të votojë ani se ka pasaportë të Shqipërisë.
Arsyen e kësaj dhe atmosferën e votimeve nga kosovarët në Shqipëri i sjellë kronika më poshtë.
