Gazeta Telegrami raportoi sot për një rrahje që ka ndodhur të shtunën, rreth orës 02:00, në lokalin “Motel Bisevac”, në Mitrovicë të Veriut. Gjatë kësaj rrahjeje, tre persona dyshohen se ia kanë thyer nofullën një 26-vjeçari, me inicialet M.M., (emër i njohur për redaksinë).
26-vjeçari aktualisht është duke u trajtuar në spitalin e këtij qyteti dhe siç mëson Telegrami, për shkak të lëndimit të rëndë që ka pësuar, ai nuk ka pasur mundësi as ta japë deklaratën e plotë para zyrtarëve policorë.
Gazeta Sinjali merr vesh se të dyshuar për këtë rast, të cilët ndodhen ende në arrati janë: Nikolla Viçentijeviq, Nemanja Millosheviq, Nikolla Mojisiq.
Prokurori i rastit ka urdhëruar inicimin e procedurës edhe ndaj pronarit të lokalit “Motel Bisevac”, i cili nuk e kishte raportuar fare këtë rrahje në polici.
