Driton Tali, këshilltar i kryeministrit në detyrë, Albin Kurti, dhe ish-kandidat për deputet nga radhët e Lëvizjes Vetëvendosje, e kanë vazhduar sagën e talljes publike me problemet shëndetësore të kryetarit të Lidhjes Demokratike të Kosovës, Isa Mustafa.
Përmes një shkrimi në llogarinë e tij në Facebook, Tali, ka publikuar një fotografi të Mustafës, duke ironizuar me deklarimet e deputetit të LDK-së, i cili ka thënë se “Isa Mustafa është personi i duhur që duhet të udhëheq me qeverinë e re”.
“Sipas Arban Abrashit “ky është personi i duhur për kryeminister sepse si ekspert e ka derën çelë në Washington, Bankë Botërore, FMN dhe mbështetjen nga institucionet tjera nërkombëtare”, ka shkruar Driton Tali.
