Kellyanne Conway ka njoftuar se po jep dorëheqje nga posti i saj si këshilltare e Lartë e presidentit amerikan, Donald Trump.
Në një deklaratë, Conway tha që ajo po tërhiqej në fund të gushtit për t’u përqëndruar te fëmijët e saj, duke u dhënë atyre “më pak dramë, më shumë nënë”.
Burri i saj George, një kritik i hapur i presidentit, gjithashtu do të tërhiqet nga aktivitetet politikr.
Ajo shtoi se vendimi i saj ishte “plotësisht zgjedhja e saj”, dhe se ajo do të shpallte planet e ardhshme “me kohë”.
Conway është planifikuar të flasë në Konventën Kombëtare Republikane më vonë këtë javë, por është e paqartë nëse ajo akoma do ta bëjë këtë në dritën e vendimit të saj për të dhënë dorëheqje, raporton BBC.
Një stratege republikane dhe anketuese e veteranëve, ajo ka shërbyer për katër vjet, duke u bërë gruaja e rangut më të lartë në Shtëpinë e Bardhë.
Ajo është gjithashtu gruaja e parë që drejtoi një fushatë të suksesshme presidenciale amerikane, duke drejtuar përpjekjen e suksesshme të Trumpit në 2016.
Si Këshilltare e Lartë në Shtëpinë e Bardhë, Conway veproi si këshilltare politike e Presidentit Trump dhe mbajti një pozitë shumë me ndikim në administratë.
