Një person ka përfunduar në prangat e Policisë së Kosovës, për shkak të dyshimit se ka kryer veprën penale “Posedim i paautorizuar i substancave narkotike”.
Arrestimi i tij erdhi pasi që gjatë kontrollit, policia ia gjeti dhe ia konfiskoi një qese me substancë të dyshuar narkotike.
Rasti ka ndodhur pasditen e djeshme, rreth orës 19:30 në rrugën “Isa Boletini” në kryeqytet.
Përmes raportit 24-orësh të policisë, mësohet se qesja përmbante substancë narkotike të llojit marihuanë, që peshonte 13 gramë.
Pas intervistimit, i dyshuari me vendim të prokurorit është dërguar në mbajtje.
