Dy persona janë arrestuar sot në rrugën “Abedin Sogojeva” në Fushë Kosovë të dyshuar për vjedhje të rëndë,
Sipas njoftimit, ata janë kapur nga zyrtarët e policisë në rroba civile në një parking ku po tentonin që të merrnin katalizatorin e një veture.
“Ka qenë reagimi i shpejtë i policisë në rroba civile ai që ka rezultuar me arrestimin e personave të dyshuar: • M. N, mashkull, 30 vjeç, shtetas i Republikës së Kosovës, (i përfshirë si i dyshuar në 35 vepra) , • F. N, mashkull, 18 vjeç, shtetas i Republikës së Kosovës,(i përfshirë si i dyshuar në 19 vepra , kryesisht vjedhje të rënda, vjedhje)”, thuhet ndër të tjera në njoftimin e Policisë.
Bëhet e ditur se personat e dyshuar pas intervistimit, me urdhër të prokurorit janë dërguar në mbajtje, ndërkohë është identifikuar edhe i dyshuari i tretë.
“M. V, mashkull, 27 vjeç, shtetas i Republikës së Kosovës, i cili aktualisht është në arrati”, bëhet e ditur më tej në njoftim.
