Nekroza avaskulare ( AVN ), vdekja e indeve të kockave për shkak të mungesës së furnizimit me gjak mund të prekë pacientët që kanë kaluar Covid-19. Deri më tani janë konfirmuar 3 raste të të nekrozës avaskulare në Mumbai dhe mjekët i frikësohen faktit se mund të përhapet edhe më shumë gjatë muajve të ardhshëm.
Lidhja midis mukormikozës dhe nekrozës avaskulare është përdorimi i steroideve, ilaçi i vetëm që duket se ndihmon pacientët me Covid-19. Në spitalin Hinduja, Mahim, u trajtuan 3 pacientë të moshës nën 40 vjeç, të cilët zhvilluan nekrozë vaskulare dy muaj pas infektimit me Covid .
“Këta pacientë zhvilluan dhimbje në femur (pjesa sipërme e kockës së kofshës) dhe duke qenë se ishin mjekë, ata i njohën simptomat dhe filluan menjëherë trajtimin,” tha Dr Sanjay Agarwala, drejtori i Spitalit Hinduja, Mahim.
Dr,Agarwala botoi një raport ‘Nekroza avaskulare si pjesë e “Covid të zgjatur”, të shtunën në revistën prestigjioze mjekësore ‘BMJ Case Study’. Ai tha se “përdorimi në shkallë të gjerë i steroideve çon në ringjalljen e rasteve të AVN. Specialistë të tjerë ortopedikë theksuan se ata kishin konstatuar një ose dy raste midis pacientëve pas infektimit me Covid, raporton abcnews.al
“Për pacientët që kanë vuajtur nga “Covid i zgjatur” dhe kanë nevojë për trajtim me steroide, ky është një shqetësim”, tha një mjek i spitalit.
Dr Rahul Pandit, anëtar i Task Forcës për Covid-19 , i cili po studion nekrozën avaskulare, tha: “Zakonisht rastet AVN shfaqen 6 muaj pas trajtimit me steroide. Kulmi i valës së dytë të Covid ishte në prill-periudha kur pacientët u trajtuan me steroide.
Por Dr Agarwala, i cili është i njohur si specialist i nekrozës avaskale, ka iniciuar një trajtim mjekësor (i quajtur bisfosfonat) 20 vite më parë, por që mesa duket ka filluar tani të japë efekt.
Studimi i tij prek dy tendenca shqetësuese: pacientët që kanë kaluar Covid morën një dozë më të ulët të steroideve. Atyre iu dha një dozë mesatare prej 758 mg që është më pak se doza 2,000mg që shkakton AVN.
Së dyti, zakonisht duhen gjashtë muaj deri në një vit për të zhvilluar AVN pas përdorimit të steroideve.
“Por pacientët tanë zhvilluan AVN 58 ditë pas diagnozës së tyre,” tha Dr Agarwala.
Meqenëse këta pacientë kërkuan ndihmë, ata nuk kishin nevojë për operacion, një ndërhyrje e zakonshme për nekrozën avaskulare.
“Të mbijetuarit nga Covid-19, të cilët janë trajtuar me steroide, dhe më pas kanë zhvilluar dhimbje të kockave duhet të marrin bifosfonat. Simptomat e tyre do të përmirësohen menjëherë, ”tha Dr Agarwala.
