Shaban Tafë Kelmendi (1953), nga fshati Rakovine, komuna e Gjakovës, me fëmijët Besimin (12 vjeç) e Haxhiun (11 vjeç) dhe Hysen Kurti (1959), nga Cermjani me gruan e tij, Sanije Kurtin (1964), u ekzekutuan nga policia serbe e postbllokut policor të Kramovikut, me 24 janar 1999, rreth orës 19:00, afër Urës së Rakovines, përderisa ishin duke udhëtuar me traktor (me rimorkio te mbushur me talle) prej Kramovikut për në Cermjan tek familja e Hysenit, në përpjekje mbinjerëzore për të mbijetuar luftën.
Vëzhguesit e OSBE-së që dolën në vendin e krimit, konstatuan se mbi 200 plumba të kalibrave të rëndë 12.7 mm dhe 7.62 mm, ishin zbrazur mbi trupat e tyre, por me këtë nuk ishin mjaftuar xhelatët serbë. Përveç kësaj, trupat e të vrarëve ishin goditur edhe me mjete të mprehta nga afërsia.
Ndonëse e vërteta për ekzekutimin klasik të këtyre pesë shqiptarëve mori botën, megjithatë Qeveria e Serbisë, vrasjen e pesëfishtë në Rakovinë përpiqej ta mbulonte me një gënjeshtër të pakripë se ishte fjala për një “aksident trafiku”, shkruan Telegramisot
Pamje nga vendi i krimit. Foto: Associated Press, Rakovinë, 25 janar 1999.
Marre nga libri i Fitnete Ramosaj: Kundër Harresës, gjenocidi i sërbisë në Kosovë 1998-1999.
