Kryeministri i Kosovës, Avdullah Hoti, ka takuar përfaqësues të BQK-së dhe të Trustit.
Pas takimit me përfaqësuers të BQK-së dhe Trustit, ai tha se të gjitha përgatitjet teknike janë bërë në këtë drejtim dhe se tërheqja e mjeteve do të bëhet në afat optimal.
“Falënderoj Trustin dhe BQK-në për kryerjen e procedurave teknike, në mënyrë që shumë shpejt të fillojnë procedurat për tërheqjen e këtyre fondeve. Të gjitha përgatitjet janë bërë, të premten në orën 15:00 hapet sistemi për të aplikuar për tërheqjen e mjeteve”, deklaroi Hoti.
Kryesuesi i Bordit Drejtues të Trustit, Ruzhdi Morina tha janë duke punuar në 24 orë në përgatitjen e fillimit të aplikimit për tërheqjen e mjeteve nga qytetarët. Ai shtoi se për të aplikuar qytetarët do të duhet të japin vetëm numrin personal dhe atë të llogarisë bankare.
“Aplikimi do të jetë shumë i thjeshtë: llogaria bankare dhe numri personal. Presim që shumë shpejtë të bëhen pagesat për aplikimet dhe e para presim që pagesat të bëhet para fundvitit”, tha ai.
Kurse zëvendësguvernatori i BQK-së, Sokol Havolli, tha se është nënshkruar marrëveshje për shkëmbim të të dhënave për 70 mijë persona, raporton EO. “Kemi nënshkruar marrëveshje të bashkëpunimit për shkëmbin të informacionit, për të dhënat për 700 mijë persona janë nda në sistemin e përbashkët të cilat do ta lehtësojnë sistemin e aplikimit”.
