Lidhja Demokratike e Kosovës, fushatën do ta përmbyllë nesër, me një tubim në kryeqytet, në sheshin “Skënderbeu”, në ora 18:00.
Fushatën nesër do ta përmbyllë edhe Partia Demokratike e Kosovës. PDK do të mbajë tubim në sheshin “Zahir Pajaziti”, në ora 16:00.
Aleanca për Ardhmërinë e Kosovës të shtunën në ora 13:30 në qytetin e Pejës.
Koalicioni për Familjen tubimin përmbyllës do ta mbajë sot në Klan Arena, në Prishtinë, ora 19:00.
Për dallim nga zgjedhjet e kaluara, kur heshtja zgjedhore fillonte një ditë para votimeve, me ndryshimet ligjore të këtij viti, ajo tashmë do të fillojë një minutë para hapjes së qendrave të votimit – në orën 07:00 dhe do të zgjasë deri në mbylljen e tyre, në orën 19:00 të 9 shkurtit.
Këto do të jenë zgjedhjet e para të rregullta që Kosova mban që nga shpallja e pavarësisë më 2008.
