Policia e Kosovës ka njoftuar se ka arrestuar një person të dyshuar për veprën penale “dhunë në familje”, shkruan Gazeta Express.
Sipas policisë, i dyshuari i moshës 50 vjeçar ka ushtruar dhunë fizike dhe psikike ndaj gruas së tij, 44 vjeçare.
Madje e njëjta ka pranuar edhe tretman mjekësor për shkak të lëndimeve të marra.
Njoftimi i plotë i Policisë:
Stacioni policor në Ferizaj nga Drejtoria Rajonale e Policisë në Ferizaj, mbrëmë rreth orës 21:00 ka pranuar një informacion, se në rr. ‘‘Vezir Jashari ’ në Ferizaj është një rast i dhunës në familje .
Në lidhje me këtë, policia ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet N.E (M/K) i moshës 50 vjeçar, i cili kishte ushtruar dhunë fizike dhe psikike ndaj bashkëshortes së tij , me inicialet L.N ( F/K) e moshës 44 vjeçare, duke i shkaktuar lëndime trupore . Për këtë e njëjta ka pranuar tretman mjekësorë në Qendrën Emergjente në Ferizaj .
Policia , të dyshuarin e ka shoqëruar në stacionin policor në Ferizaj dhe pas intervistimit nga Njësia e Hetimeve- Sektori i Dhunës në Familje, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore.
