Zëdhënësi i ushtrisë izraelite, Daniel Hagari, ka pretenduar se ushtria izraelite ka arritur në përfundimin se grupi i Xhihadit Islamik Palestinez ishte përgjegjës për shpërthimin në spitalin Al Ahli ku mbetën të vrarë afër 500 njerëz. Izraeli thotë se shpërthimi u shkaktua nga raketat palestineze të lëshuara nga varrezat.
“Ne bëmë një rishikim të menjëhershëm me të gjitha degët përkatëse të IDF(ushtria izraelite)”, u tha ai gazetarëve.
Ai thotë se një breshëri raketash u hodhën nga Hamasi drejt Izraelit të martën – përpara shpërthimit në spital.
Më pas, në orën 18:59, ai thotë se një breshëri prej rreth 10 raketash u hodh nga PiJ nga një varrezë aty pranë. Në të njëjtën kohë, ka pasur raportime për një shpërthim në spitalin në qytetin e Gazës, thotë ai, raporton BBC, transmeton Gazeta Express.
Por, ai u pyet se pse duhet t’i besohet Izraelit, i cili u akuzua për sulmin në spital.
Pse duhet t’ju besojmë, pyet gazetari
Gazetari pyet pse mediat duhet t’i besojë pretendimeve të tij, duke përdorur një shembull të qeverisë izraelite që dikur fajësonte militantët palestinezë për vdekjen e një gazetari. Ai thotë se tashmë dihet se kjo nuk është e vërtetë.
Duke u përgjigjur, Hagari pranon se Izraeli në të kaluarën “është nxituar për të arritur në përfundime”.
Por ai thotë se pas shpërthimit në spital, zyrtarët “patën kohën e tyre” sepse donin të “kontrollonin dyfish” se i kishin të gjitha faktet në rregull.
“Ne donim të siguroheshim se ishim të besueshëm, në krahasim me ngjarjet e tjera që ju përmendni”, i tha ai gazetarit.
