Ukë Selimaj ishte drejtori më i ri në moshë në Komunën e Pejës. Nuk i kishte as 30 vjet kur e mori detyrën. Por, kjo nuk ishte aspak pengesë që ai të bënte punë të suksesshme në krye të Drejtorisë për Punë Komunale dhe Shërbime Publike në Komunën e Pejës. Krahas kësaj, Selimaj ishte dhe kryesues i kolegjiumit të drejtorëve në Shërbimin Publik të Kosovës.
Tash Selimaj është në garë për t’u bërë asamblist në Komunën e Pejës, për të dytën here për të vazhduar kontributin e tij për të mirën e qytetarëve të Pejës
Selimaj është i njohur si zyrtar komunal që ka qenë gjithmonë pranë qytetarëve dhe kërkesat e tyre i ka marrë me seriozitet, duke garantuar që ato të realizohen
Arriti të krijojë partneritet me organizata të huaja, sikurse me GIZ-in, përmes të cilës arriti të fitojë makineri për bartjen e mbeturinave dhe programe tjera në këtë sferë. Përmes organizatës zvicerane “Helvetas Swiss Intercooperation” dhe programit DEMOS, realizoi shumë projekte për sheshe të qytetit, të fshatrave, ndriçimin e kubëzim, shtigje e gjelbërim.
Në qeverinë e ardhshme, të cilën beson se do ta udhëheqë PDK-ja në Pejë, Selimaj thotë se do të ketë rritje të cilësisë në udhëheqje. “E gjithë Komuna do të udhëhiqet sikurse katër drejtoritë e suksesshme që ishin në këtë mandat, të udhëhequra nga PDK-ja”.
“Secila drejtori do të kryejë detyrat e veta për të gjithë qytetarët pa dallim klasash shoqërore”, ka thënë Selimaj, për Telegraminsot.
