Shqipe Kadriu, infermiere në Qendrën Klinike Universitare të Kosovës, gjatë ditës së sotme është dënuar nga Policia e Kosovës për mosmbajtje të maskës.
Kadriu këtë njoftim e ka bërë në llogarinë e saj në Facebook, ku ka thënë se sapo ka dalë nga vetura e koleges së saj, e ka tërhequr maskën nën mjekërr dhe është ndaluar nga policia ku edhe është gjobitur.
Sipas Kadriut, as vet policët që e dënuan nuk e kishin maskën e vendosur mirë.
“Kolegia më ofroi me veturë afër banesës. Sapo dola tërhoqa maskën nën mjekërr, pasi isha vetëm në rrugë. Policia më ndaloi dhe u mundova t’iu tregoj që kam drejtë pasi jam në hapësirë nuk më dëgjonin. U thash, as ti s’e paske të vendosur maskën mirë pasi e ke lënë hundën jashtë dhe ma shkruan dënimin. Më thanë shko ankohu ku të mundesh”, ka shkruar ajo.
Ndryshe fotografia e kësaj infermiere më herët është bërë virale pasi u fotografua e rraskapitur nga puna me pacientë me COVID- 19.
