Pasi që videoja e një qytetari nga Mitrovica u bë virale nëpër rrjete sociale, teksa vajza e tij e mitur shtien me armë zjarri, Policia e ka arrestuar 43 vjeçarin.
Policia e Kosovës ka arrestuar nja 43-vjeçar me iniciale C.H nga Mitrovica në dyshimin se kishte kryer veprën penale “mbajtje në pronësi, kontroll, posedim të paautorizuar të armës”.
Lajmin për Reporteri.net e ka konfirmuar Avni Zahiti nga Policia e Kosovës, i cili tha se gjatë kontrollit Policia ka gjetur dhe sekuestruar një armë e llojit pistoletë e cila dyshohej se është përdorur në videon e publikuar në rrjete sociale.
Njoftimi i plotë:
Mitrovicë, 10 prill 2020
Policia në Mitrovicë ka realizuar një urdhërkontroll në një shtëpi, me ç’rast urdhërkontrolli ka rezultuar me gjetjen e një arme.
Urdhërkontrolli është realizuar mbi dyshimet e arsyeshme të bazuara, se i dyshuari C. H. 43 vjeçar, dyshohej për posedim të armës, pasi në rrjetet sociale ishte postuar një video sekuencë ku në prezencë të tije një fëmijë shkrepte një armë zjarri.
Gjatë kontrollit Policia te i dyshuari ka gjetur dhe ka sekuestruar një armë, e llojit pistoletë , e cila dyshohet te jetë përdorur në video sekuencat e postuara.
I dyshuari pas procedurave intervistuese është liruar në procedurë të rregullt, ndërsa ndaj tije është iniciuar procedurë për vepër penale “mbajtje në pronësi, kontroll, posedim i paautorizuar i armës”.
A Zahiti”, thuhet në njoftim.