Një ngjarje tronditëse është shënuar në Angli, ku një 8 vjeçar ka humbur jetën krejt papritur nga një sëmundje ende e panjohur. Mediat e huaja kanë transmetuar mesazhin e ndjerë të 31 vjeçares Clare Walker, nënës së vogëlushit.
Ajo ishte me 8 vjeçarin në momentet e fundit të jetës së tij. Walker ka thënë se i kërkoi të birit të vishte pizhamet dhe të shkonte në shtrat, kur ai papritur filloi të bërtiste nga dhimbjet.
Ajo ka shtuar se ai dha frymën e fundit në krahët e saj. Viktima “Kujtim që nuk do të shkulet kurrë nga mendja e Clare-it. Të dua shumë”, ishin fjalët e fundit që vogëlushi i tha të ëmës.
“Unë i kërkova që të vishte pizhamet dhe të shtrihej, sepse unë do të vija për pak.
U drejtua njëherë në drejtim të shkallëve, u kthye dhe më tha “të dua shumë mami”, unë ju përgjigja që edhe unë të dua shumë.
Pak pas këtij momenti ai bërtiti me të madhe. Shkoj tek ai dhe e shoh të shtrirë në dysheme, duke rënkuar nga dhimbjet e tepërta. E marr në krahë dhe nxitoj për ta nxjerrë jashtë, por ndërron jetë në duart e mia.
Vdekja e tij është e paqartë dhe analizat e kryera nga mjekët ende nuk kanë treguar pse më vdiq djali”, u shpreh e përlotur 31 vjeçarja.
