Kryetari në detyrë i Partisë Demokratike të Kosovës, Enver Hoxhaj ka thënë se subjekti që ai udhëheq nuk do ta votojë Vjosa Osmanin për presidente të ardhshme, shkruan Gazeta Sinjali.
Sipas Hoxhajt, Osmani është treguar një figurë përçarëse, aspak përbashkuese dhe nuk e përfaqëson unitetin e popullit.
“Partia Demokratike e Kosovës nuk ka votë për Vjosa Osmanin për presidente të ardhshme të Kosovës. Ajo është treguar një figurë përçarëse, aspak përbashkuese dhe nuk e përfaqëson unitetin e popullit. Duke qenë e motivuar partiakisht dhe që pëfaqëson interesat e vetëm një partie dhe liderit të saj, znj. Osmani nuk mund të jetë aspak e denjë për pozitën e presidentes”, ka shkruar Hoxhaj.
Më tej, Hoxhaj ka shtuar se PDK do të jetë partia e vetme në opozitë kundër boshtit populist të përfaqësuar Kurti.
“PDK-ja nuk do ta tradhëtoj besimin e votuesve të saj. Ne jemi partia e vetme në opozitë që do ta ballafaqojmë deri në fund pushtetin e ri, do t’i përfaqësojmë qytetarët e Kosovës dhe do ta mbajmë përgjegjëse për çdo premtim e vendim. PDK sikurse e kemi thënë gjatë zgjedhjeve, do të jetë fronti i vetëm politik në Kosovë kundër boshtit populist të përfaqësuar nga z. Kurti”, ka përfunduar Hoxhaj.ë përpjekje për të shpëtuar punët ndërsa të ardhurat e Vatikanit tkurren, Papa Françesku ka urdhëruar shkurtimin e pagave për kardinalët dhe klerikët e tjerë, përfshirë priftërinjtë dhe murgeshat të cilët punojnë në Selinë e Shenjtë.
Në një dekret të publikuar të mërkurën në gazetën zyrtare të Vatikanit, Papa ka thënë se duke filluar nga prilli, pagat e kardinalëve do të reduktohen për 10 për qind, klerikët me 8 për qind dhe priftërinjve e murgeshave do t’u hiqen 3 për qind nga paga e tyre.
Në dekret është shënuar se financat e Selisë së Shenjtë kanë rënë përgjatë viteve. Përkeqësimin e tyre, sipas Papës, e ka sjellë pandemia me COVID-19 e cila ka ndikuar negativisht në të gjitha burimet e të ardhurave të Selisë, raporton AP.
Papa ka vazhduar duke thënë se e rëndësishme është “ruajtja e pozitave të punonjësve aktual”./
