Kryeministri i Kosovës Avdullah Hoti ka ftuar liderët e partive politike për një takim të përbashkët nesër para udhëtimit në Washington.
Hoti ka shkruar në Facebook se këtë ftesë e ka bërë me qëllim të bashkërendimit të qëndrimeve të spektrit politik të vendit për procesin e dialogut në Serbinë, raporton Gazeta Express.
“Me qëllim të bashkërendimit të qëndrimeve të spektrit politik të vendit, në procesin e dialogut me Serbinë, si dhe në vigjilje të vizitës në Washington, i ftova liderët partiakë për një takim të përbashkët të Forumit të liderëve, i cili do të mbahet nesër në orën 11:00 në Zyrën e Kryeministrit!”, ka shkruar Hoti.
Kujtojmë se Emisari Special i Presidentit Trump, Richard Grenell ka ftuar Kosovën dhe Serbinë për një takim në Washington më 27 qershor. Delegacionin kosovar do ta përfaqësojnë Kryeministri Avdullah Hoti dhe Presidenti Hashim Thaçi.
