Ish- komandanti i Koshares, Hisen Berisha, ka deklaruar për Telegramisnot se reforma zgjedhore nënkupton edhe rregullime ligjore.
“Duhet patjetër të veprohet me futjen e sistemit teknik të “votimit elektronik” dhe votimit “një person një vote” pra një kandidat. Pa ketë nuk ka stabilitet dhe sistem të rregullt elektoral”.
“Çështje shqetësuese mbetet më tej në qeverinë Hoti, iniciativa e re e LVV që diaspora me votua në Konsullata, gjë që duhet të ndalet. E shteti të krijoj kushte që çdo shtetas i Kosovës të votoj në Kosovë”.
Berisha ka deklaruar se deri tani ka pas lëshime shkaku i serbëve, votat e tyre nuk janë verifikua nga vijnë.
“Por tani jemi shtet stabil dhe tani serbët e Kosovës, duhet të votojnë në Kosovë. Duhet ndalur njëherë e mirë që Serbia përmes votave të qytetarëve serb të Kosovës që jetojnë në Serbi, të na i krijoj “heronjtë e politikës” përmes këtyre votave që kontrabandohen, për faktin se komuniteti serb i ka të garantuara ulëset në Parlamentin e Republikës së Kosovës. Shteti garanton votimin e qytetareve në vendin e tyre. Përvoja e ardhjes se votës nga jashtë duhet ndale dhe s’ka votë “me kusht”. Për këtë bashkatdhetarët tanë në mërgim duhet të kenë mirëkuptim dhe në ditët e tyre të lira brenda një viti ti kursejnë aq ditë, që njëherë në katër vite të vijnë e të votojnë në vendin dhe për vendin e tyre. Me këtë të futet një standard i ri i cili do të ndaloj keq bërjen e Serbisë ndaj shtetit të Kosovës.”
