Nënkryetari i Lidhjes Demokratike të Kosovës (LDK), Lutfi Haziri ka thënë se Lëvizja Vetëvendosje është duke na konsideruar si barkë të mbijetesës politike.
“Ata po e shohin LDK-në si barkë të mbijetesës politike, në atë barkë mund të hypin vetëm partnerët jo dikush tjetër. Jo ata që e kanë helmuar pusin dhe që kanë rrënuar ura, por jo edhe ata që nuk janë kredibil për të qenë pjesë e kësaj ecje politike”, ka thënë Haziri.
Ai ka thënë se asnjë parti s’mund t’i caktojë rregulla LDK-së dhe as s’mund ta bëjnë Partinë e Ibrahim Rugovës degë të Vetëvendosjes.
“Spekulimet se një parti tjetër e donë Lutën e një parti dikë tjetër, mos u theni në emra as mos u gëzoni në emra sepse nuk mund të vendosin partitë e tjera për neve, nuk jemi degë e VV-së as nuk jemi degë e kërkujtë tjetër”, ka thënë Haziri, sot në Gjilan.
Koën e fundit është duke u diskutuar për një koalicion në mes të Lëvizjes Vetëvendosje dhe Lidhjes Demokratike të Kosovës, gjë që kjo nuk është duke u mohuar as nga këto dy parti politike. /Insajderi.com
