Në takimet me Vetëvendosjen, nuk është vënë fare kërkesa e postit të presidentit nga kreu i LDK-së, Isa Mustafa.
Këtë e ka thënë nënkryetari i LDK-së, Lutfi Haziri, në Info Magazinë të Klan Kosovës, ndërsa shtoi se kjo ka ndodhur pasi Isa Mustafa nuk është duke bërë koalicion për veten.
”Nuk e ka përmendur, në takim pasi Kryetari i LDK-së, Isa Mustafa nuk është duke bërë koalicion për veten. Ne nuk po kërkojmë asjgë, e nuk pranojmë dhurata politike sepse nuk ka. Ne përgjegjësinë politike sipas votës qytetare jemi duke e përpjestuar”.
Ai shtoi se në takimet mes VV-së e LDK-së nuk kanë dhënë kushtëzime por as edhe nuk kanë pranuar kushtëzime, njofton Klan Kosova.
”Nuk kemi kushtëzuar e as nuk kemi pranuar kushtëzime. Kemi ardhur hapë rrugë. Asnjë punë e asnjë përgjegjësi aq më shumë e aq më pak”.
”Ne nuk heqmi dorë vetëm nga kjo Republikë që e kemi ndërtuar politikisht. Nuk heqim dorë nga pasha jonë politike që e kemi marrë nga vota e qytetarëve. Nuk është kërkesë e jona është përgjegjësi e dhënë nga qytetarët”.
