Ministrja në detyrë e Drejtësisë, Albulena Haxhiu, tha se sulmet që presidenti i Kosovës, Hashim Thaçi, po i bën Lëvizjes Vetëvendosje, kryeministrit Albin Kurti dhe ministrave të tjerë nuk janë të rralla.
Haxhiu përmes një postimi në Facebook, ka thënë që frustrimi i tij [Thaçit], shprehur edhe sot në konferencë për media që nuk kishte asnjë tematikë pos sulmit ndaj Qeverisë në detyrë.
Postimi i plotë i Haxhiut:
“Sulmet që Presidenti i bën Lëvizjes VETËVENDOSJE!, Kryeministrit Kurti dhe ministrave të tjerë nuk janë të rralla. Siç duket frustrimi i tij i shprehur edhe sot në konferencë për media që nuk kishte asnjë tematikë pos sulmit ndaj Qeverisë në detyrë ka si shkas disa përpjekje të dështuara të këtij Presidenti për të qenë protagonist me qëllime të këqija”.
“E para ishte çështja e një marrëveshje të dëmshme Kosovë-Serbi, me ç’rast shkoi dhe u kthye pa asgjë, dhe e dyta, dështimi përmes tentativës për të shpallë gjendje të jashtëzakonshme të marrë situatën në kontroll. Asnjëra su bë”.
“Duhet të rikujtojmë se edhe në ato konferencat e përditshme të verës së vitit 2017 aso kohe Presidenti fillimisht pati sulmuar Lëvizjen e Albin Kurtin dhe vetëm pastaj foli për idenë e një marrëveshje përfundimtare me Serbinë thelb i së cilës ishte ndarja e Kosovës”.
“Frustrimi i tij tash ndaj Qeverisë aktuale dhe ndaj Lëvizjes VETËVENDOSJE! është simptomë e dështimeve të planeve të tij duke shtuar edhe tashmë shkeljen që ky President i ka bë Kushtetutës në PLAN përpjekjen”.
