Haradinajt në takim nuk i shkojnë LDK-ja dhe Lista Serbe

Ka filluar takimi i kryetarit të AAK-së, Ramush Haradinaj, me përfaqësues të partive politike.

Në këtë takim, mungojnë vetëm përfaqësuesit e LDK-së dhe Listës Serbe.

Nga Vetëvendosja, ashtu siç raportoi më herët Ballkani.info, i pranishëm shihet të jetë Liburn Aliu, nga PDK-ja Kadri Veseli e Enver Hoxhaj, nga Nisma Fatmir Limaj e nga AKR-ja, Behgjet Pacolli.

Kryetari i AAK-së, Ramush Haradinaj, në hapje të takimit ka thënë se i ka ftuar përfaqësuesit e partive që të diskutojnë lidhur me dialogun me Serbinë dhe qëndrimin që duhet të ketë Kosova karshi këtij procesi si dhe për tarifën, për të cilën ka ripërsëritur qëndrimin e tij që ajo nuk duhet të hiqet deri në njohje nga Serbia.

Takimi është i mbyllur dhe pas përfundimit të tij pritet të ketë deklarata.