Aleanca për Ardhmërinë e Kosovës (AAK) e drejtuar nga Ramush Haradianj dhe Nisma Socialdemokrate që udhëhiqet nga Fatmir Limaj kanë lidhur koalicion parazgjedhor më 17 janar. Ndërkohë sot kanë pasur një takim me struktura.
Nga ty, kreu i AAK-së, Ramush Haradinaj ka deklaruar se pushteti i Albin Kurtit “është në luftë me këdo që nuk mendon si ai”.
Përmes një postimi në Facebook, Haradinaj ka thënë se “shteti sot e ka harruar njeriun e Kosovës”.
Ai shton se qytetarët po përballen me “fukarallëkun, papunësinë si dhe me emigrimin”.
”Kosova sot është vendi më i varfër në Evropë dhe Qeveria në vend që të merret më njeriun e vet, ka vendosur ta pasurojë veten. Me pagat më të ulta, me çmime jashtë çdo kontrolli, me pensione qesharake, me çmime të papërballueshme të energjisë e të bukës. Ku qeveria, paratë e taksapaguesve i ruan në bunkerin e vet financiar, e nuk I investon në mirëqenien e popullit”, ka thënë ndër tjerash Haradinaj.
