Kandidati për President të Kosovës, Ramush Haradinaj sot vizitoi kompaninë ‘Erc Trade’ në Bardhosh.
Ai tha se shtylla e ekonomisë së vendit tonë janë ndërmarrësit kosovarë, ai po ashtu tha se si President i ardhshëm dhe me një Aleancë të fortë në Parlament dhe Qeveri, do të sigurojmë zbatimin e planit për rimëkëmbje dhe zhvillim të përshpejtuar ekonomik.
‘Fondi një miliardësh, i cili përfshin edhe fondin e garantimit të kredive, do të përshpejtojë ringjalljen e ekonomisë, nxit punësimin dhe rritjen e pagave edhe në sektorin privat.
Gjatë vizitës së sotme në “Erc Trade” në Bardhosh, bashkëbisedova me punëtorët dhe menaxhmentin, rreth Programit të Aleancës 2021 – 2025.
I lumtur që plani ynë ekonomik i përpiluar me kujdes, brenda parametrave të realizueshëm, i mbulon kërkesat e tyre’ shkroi Haradinaj në Facebook.
Haradinaj nga kryeqyteti: Me Aleancën, brezi i ri nuk do të pres në pafundësi për progres
Kandidati për president të Republikës së Kosovës nga radhët e Aleancës për Ardhmërinë e Kosovës (AAK) Ramush Haradinaj, ka takuar disa qytetarë të Prishtinës, ku tha se Aleanca është e vendosur për Kosovën, shtet për brezin e ri, vend të mundësive, me sistem arsimimi e kujdes shëndetësor të nivelit evropian.
‘Një takim miqësor me qytetarë të Prishtinës, shumica nga të cilët të rinj.
Aleanca është e vendosur për Kosovën, shtet për brezin e ri, vend të mundësive, me sistem arsimimi e kujdes shëndetësor të nivelit evropian. Si president i ardhshëm vendit, u zotova që do të mbështes reformat e nevojshme dhe politikat që Kosovën e çojnë drejt NATO-së dhe BE-së’, ka thënë Haradinaj.
Ai më tej tha se nuk do të lejojmë që brezi i ri të pres deri në pafundësi progresin në vend.
‘Ne nuk do të lejojmë që brezi i ri të pres deri në pafundësi progresin në vend. Andaj, jemi të vendosur që në rast se bllokada do të vazhdojë, të organizojmë referendumin për bashkim me Shqipërinë, që ardhmëria e të rinjve të Kosovës të mos rrezikohet’, tha Haradinaj.