Kryetari i Aleancës për Ardhmërinë e Kosovës (AAK), Ramush Haradinaj sot ishte për vizitë në Pakashticë të Podujevës për të ngushëlluar familjen Rrustemi, të cilët kanë humbur familjarin e tyre në tragjedinë e 25 Korrikut në Kroaci.
Haradinaj ka thënë se tragjedia e 25 Korrikut do të mbetet përherë dhimbje e paharruar për Kosovën.
Ai tutje ka theksuar se Sevdaili dhe të gjithë bashkatdhetarët që humbën jetën, janë simbol i jetës, mundit e sakrificës së mërgimtarëve anë e kënd botës.
Kujtojmë se i pari i AAK-së ditën e djeshme ka vizituar po ashtu familje në komunat e Prizrenit, Rahovecit, Gjakovës, Junikut e Deçanit, që kanë humbur familjarët e tyre në këtë tragjedi
Postimi i plotë:
Në Pakashticë të Podujevës, ndamë dhembjen me familjen Rrustemi.
Tragjedia e 25 korrikut do të mbetet përherë dhembje e paharruar për Kosovën.
Sevdaili dhe të gjithë bashkatdhetarët që humbëm, janë simbol i jetës, mundit e sakrificës së mërgimtarëve tanë anekënd botës.
