Deputeti Xhavit Haliti nga Partia Demokratike e Kosovës, ka reaguar ndaj deklaratës së ambasadorit amerikan në Kosovë, Jeffrey Hovenier, duke e cilësuar atë si një mesazh të mirëpritur, por problematik. Haliti theksoi se kjo deklaratë erdhi pas reflektimeve të kryeministrit Kurti në Bruksel dhe përbën një sinjal për qeverinë e Kosovës.
“Deklaratë e mirëpritur nga miqtë e Kosovës, e bërë një ditë pasi që Kurti bëri një deklaratë reflektuese lidhur me qëndrimet e deklaratat e veta publike të dhëna në Kryeqytetin e Evropës, Bruksel. Është deklarata e radhës dhe mesazhi i dhënë Kopshtit Politik të Qeverisë së Kosovës”
Tutje Haliti jepë detaje për mesasazhin.
“Në të njëjtën kohë dhe i njëjti mesazh i është dhënë Nacional Shovinizmit të Serbisë që përfaqësohet nga Vuçiq. Të bësh deklarata si mysafir në shtëpinë e të zotit të shtëpisë , i cili ta ka dhënë dorën kurë ske pasë fuqi të ecësh, të ka mbajtur “caca” e të ka shëruar plagët e luftës, i cili po të trajton si mik, është padituri dhe politikisht gabim që ka kostote veta të cilat i kushtojnë e po i kushtojnë qytetarëve të Kosovës”
Deputeti i PDK-së, kritik është edhe për qasjen e qeverisë së Kosovës dhe fuqinë e saj karshi botës.
“Ne s’mund ti dërgojmë ndonjë faturë Perëndimit, por ata neve po. E kuptojnë të gjithë që Kosova është në proces zgjedhorë, e beteja për vota është e hapur për të gjitha palët, edhe pse ligjërisht fushata akoma s është shpallur, megjithatë fushata duhet të ketë konturat e veta, duke mosë i tejkaluar ato, përmes të cilave ruajmë raportet me Perëndimin. Prandaj Kopshti Politik i Kosovës duhet të respektoj e zbatoj sugjerimet prindor të Baballarëve të demokracive Perëndimore”
Për kopshtin kjo që po e them duket servilizëm, sepse atyre ju ka mbushë mendja që janë të fortë, dhe bëjnë deklarata sikurse “ lepuri që fliste për luanin “ . por për neve është e vetmja rrugë të cilën e kemi trasuar së bashku me perëndimoret. Nëse dikush mendon që ky kurs politik i përqafuar fortë nga populli i Kosovës do të ndryshoj, e ka gabim. Rruga e jonë tani është dialogu e jo thirrjet për luftë, jo tregim i muskujve, por strategji e bazuar në politika realiste . Deklaroj Haliti për Telegraminsot.
