Sa herë ai shfaqet në ekran, menjëherë ndez një mori debatesh, e kjo për shkak të deklaratave që lëshon.
Hoxhë Shefqet Krasniqi, së fundi ka qenë më i pranishëm në spektrin medial, e kjo për shkak të muajit të Ramazanit.
Hoxha, në një nga prononcimet e fundit tha se gratë e kanë vendin në maxhe dhe kjo ka shkaktuar një debat të gjërë në publik, sidomos mes grash.
Deri tani është lëshuar një lum komentesh, por edhe fotosh ironizuese nga femrat, të cilat po ia bëjnë “diss” Shefqet Krasniqit.
Gra të suksesshme, po tregojnë pozicionet e tyre të larta në shoqëri, shoqëruar në mënyrë ironike me mbishkrimin “në maxhe”.
Ndërkohë, edhe historiani Jusuf Buxhovi ka thënë se Prokurori i Shtetit duhet të veprojë menjëherë aty ku preket kodi kushtetues dhe sistemi i vlerave në shoqërinë tonë. Këtë reagim Buxhovi e ka bërë duke marrë shkas nga një paraqitje në media e hoxhës Shefqet Krasniqi, i cili ndër tjerash, tha se gratë e kanë vendin në kuzhinë e burrat në odë.
