Gjykata Themelore në Pejë ka refuzuar kërkesën e Prokurorisë për caktimin e masës së paraburgimit ndaj, Bajram Muzlijaj, i cili dyshohet për keqpërdorim të pozitës zyrtare, lidhur me ndërtimet pa leje.
Gazeta Telegrami ka mësuar se Gjykata ka vendosur që Bajram Muzlijaj të mbrohet në liri.
Sipas arsyetimit të gjykatës, prokuroria nuk ka ofruar prova të mjaftueshme për të mbështetur dyshimin se Muzliaj ka kryer veprën penale “keqpërdorim i pozitës apo autoritetit zyrtar”.
Gjithashtu Telegrami ka mësuar se masa e arrestit shtëpiak është caktuar për dy zyrtarët e tjerë të arrestuar në Komunën e Pejës, Rajan Arapin dhe Florije Berishën.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
