Kosova dhe Serbia nuk do të arrijnë marrëveshje pa implementimin e Asociacionit të Komunave me Shumicë Serbe.
Kështu konstatoi sot drejtori i të ashtuquajturës Zyrë për Kosovën në Qeverinë e Serbisë, Marko Gjuriq, shkruan lajmi.net.
Ky i fundit tha se Asociacioni është shtatë vjet e gjysmë me vonesë nga marrëveshja e arritur në Bruksel në vitin 2013.
Sipas tij, nëse një gjë e tillë nuk implementohet e bën të pakuptimtë procesin e dialogut.
“Çdo kushtëzim i zbatimit të asaj që është rënë dakord deri më tani në Bruksel e bën të pakuptimtë të gjithë procesin e negociatave dhe na distancon nga çdo marrëveshje e re,” deklaroi Gjuriq.
