Mbrëm rreth orës 22:00, është raportuar se në rrugën “Dëshmorët e Kombit” në Mitrovicë, ishin dëgjuar të shtëna.
Lajmin për Gazetën Online “Reporteri.net” e ka konfirmuar zëdhënësi i PK-së për Rajonin e Mitrovicës, Avni Zahiti.
Ai tha se policia ka dalë në vendin e ngjarjes dhe ka gjetur një gëzhojë, gjersa shtoi se nuk raportohet për të lënduar në këtë rast.
“Njësitet policore kanë dalë në vendin e ngjarjes, ku në cilësi të provës materiale kanë gjetur një gëzhoj. Nga inflrmacionet e deritanishme nuk raportohet për të lënduar”, shtoi Zahiti.
Tutje, sonte është raportuar se në këtë incident janë përdorur armë të llojit kallash dhe se të përfshirë kanë qenë pronarët e një kompanie të taksive dhe një kompanie që shet pjesë të veturave.
Ndryshe, policia po vazhdon të qëndrojë në vendin e ngjarjes dhe po heton shkaqet.
