Një gjuajtje me armë zjarri raportohet të ketë ndodhur në Fushë Kosovë, mesditën e së mërkurës që e lëmë pas.
Kështu bëhet e ditur në raportin 24 orësh policor, ndërsa theksohet që viktima mashkull kosovar ka raportuar se i dyshuari mashkull kosovar i cili kishte qenë së bashku me dy të dyshuar tjerë, kishte shtënë me armë në drejtim të viktimës dhe ia kishte dëmtuar edhe veturën.
Në vendin e ngjarjes kanë dalë njësitë policore ku kanë gjetur dhe sekuestruar një gëzhojë. Të dyshuarit ishin larguar nga vendi i ngjarjes.
Nuk raportohet për të lënduar e as të arrestuar. Rasti vazhdon të hetohet.
