Edhe një gjuajtje tjetër mes dy veturave në lëvizje ka ndodhur në lagjen “Bregu i diellit”, saktësisht në rrugën në rrugën “Xheladin Hana”.
Lajmin për “Reporteri.net”, e ka konfirmuar zëdhënësi i Policisë së Kosovës, Bajram Krasniqi.
“Për momentin mund të konfirmoj se rreth orës 17:10 është pranuar një informatë për gjuajtje me armë në Rr.”Xheladin Hana” në Prishtinë. Persona të dyshuar, nga dy vetura në lëvizje, kanë shtënë me armë. Policia ka dal në vend-ngjarje, për të informata tjera u njoftojmë me kohë”, tha ai.
Në fotografi nga vendi i ngjarjes shihet se Policia e Kosovës janë të ndalur në pompën e derivateve “Shell”, por policia nuk ka dhënë detaje nëse ngjarja ka të bëjë diçka me këtë kompani.
Kujtojmë se në këtë pjesë ditë më parë pati gjuajtje me armë ndërmjet personit të njohur si Hamdi Turku dhe Andi Pajazitit i njohur me nofkën”Italiani” që është bashkëpunëtor i “Llepotës”
