Gjykata Themelore e Gjilanit i ka caktuar masën e paraburgimit prej 30 ditësh ta pandehurit F.M, i cili e kishte fotografuar kolegen e tij të punës nudo dhe e kishte kërcënuar se do t’ia publikonte fotografitë nëse e njëjta s’do të kryente marrëdhënie seksuale me të.
Sipas prokurorisë, ekziston dyshimi i bazuar se i pandehuri fillimisht është njohur me të dëmtuarën E. I., në vendin e njëjtë të punës dhe pasi që të njëjtën e ka fotografuar nudo i pandehuri në vazhdimësi me qëllim të shqetësimit, frikës dhe cenimit të dinjitetit të dëmtuarës e ka kanosur të njëjtën, duke i thënë se fotot nudo do t’ia publikonte në shoqëri, familje, nëse e njëjta nuk del me të për të kryer marrëdhënie seksuale.
Me këto veprime, i pandehuri dyshohet se ka kryer veprën penale “ngacmim” vepër e sanksionuara me Kodin Penal të Republikës së Kosovës (KPRK).
„Gjyqtari i procedurës paraprake në Departamentin të Përgjithshëm, pas mbajtjes së seancës dëgjimore, ka refuzuar kërkesën e mbrojtësit të pandehurit, për caktimin e masave alternative, duke konsideruar se caktimi i masës së paraburgimit krijon kushte për zhvillimin me sukses të procedurës penale“, thuhet në komunikatë.
Foto e ilustruar nuk është e vertetë
