Një 48-vjeçar është gjetur i vdekur tek ish-Stacioni i Trenit në Tiranë.
Sipas Policisë së Shtetit, viktima nuk kishte shenja dhune, ndërsa dyshohet se deri te vdekja ka ardhur për shkaqe natyrale.
“Më datë 20.01.2025, rreh orës 07:00, tek ish-Stacioni i Trenit. është gjetur pa shenja jete dhe pa shenja dhune shtetasi K.S., 48 vjeç. Paraprakisht dyshohet se humbja e jetës ka ardhur nga shkaqe natyrale. Punohet për përcaktimin e saktë e shkakut të humbjes së jetës”, thuhet në njoftimin e policisë.
Materialet procedurale i janë kaluar Prokurorisë për veprime të mëtejshme, ndërkohë që hetimet vijojnë për zbardhjen e plotë të rrethanave të ngjarjes.
