Partia Socialdmeokrate ka vazhduar sot mbledhjen e nënshkrimeve në Pejë për faljen e gjobave në pandemi të shqiptuara ndaj qytetarëve, shkruan Gazeta Sinjali.
Në disa foto që po qarkullojnë në rrjete sociale, shihet se kryetari i Pejës, Gazmend Muhaxheri, ka nënshkruar këtë peticion.
Sipas PSD-së, ky peticion do të nënshkruhet nga qytetarët gati se në të gjitha komunat e vendit, dhe pas mbledhjes së nënshkrimeve të nevojshme, do t’i dërgohet Kuvendit të Kosovës.