Policia e Kosovës ka arrestuar në pikëkalimin kufitar në Qafë Morinjë A.I, shtetas i Shqipërisë, pasi i njëjti është kapur me 1 kilogram substancë narkotike e cila dyshohet të jetë marihuanë, shkruan Gazeta Sinjali.
Siç thuhet në njoftimin e policisë, i dyshuari kishte vendosur substancën e dyshuar në një bidon në ulësen e pasme të veturës.
Njoftimi i plotë:
Policia kufitare arreston një të dyshuar dhe konfiskon një sasi substance të dyshuar narkotike
Prishtinë, më 22 prill 2021
Policia e Kosovës sot, më 22.04.2021, rreth orës 13:45, ne Pikën e kalimit Kufitar ‘Qafë Morinë në hyrje nga territori i Republikës së Shqipërisë për në Republikën e Kosovës ka ndalur për kontrollim një veturë me targa të Shqipërisë. Veturën e drejtonte A.I., viti i lindjes 2000, mashkull, shtetas i Shqipërisë.
Pas përzgjedhjes së automjetit për kontrolle në vijën e nga ana e zyrtareve policorë, është vërejtur se në ulësen e pasme kishte një bidon në të cilin kishte futur substancë narkotike që dyshohet të jetë marihuanë, me peshë rreth 1 (një) kg.
Lidhur me rastin është njoftuar Prokurori i Prokurorisë Themelore ne Gjakovë dhe të gjitha njësitet relevante kanë dalë në vendin e ngjarjes dhe janë marrë me rastin.
I dyshuari është arrestuar dhe substanca e dyshuar narkotike është konfiskuar.
