Pas lirimit nga burgu në Serbi të ish-policit Arbnor Spahiu, ka reaguar avokati i tij, Arianit Koci.
Koci ka thënë se lirimi i tij nuk ishte i lehtë dhe se kanë qenë muaj ankthi e padrejtësie e rëndë.
‘‘U LIRUA! Ish-polici Arbnor Spahiu u lirua nga burgu i Serbisë. Sot, pas muajsh të gjatë ankthi, pas një padrejtësie të rëndë – Arbnor Spahiu është i lirë. E kam thënë që në ditën e parë: do të kthehet. Nuk ishe lehtë, por ia dolëm!’’, ka shkruar ai.
Spahiu u arrestua në qershor të këtij viti nga autoritetet serbe në pikën kufitare ndërmjet Hungarisë dhe Serbisë dhe u akuzua për kryerjen e veprës penale “vrasje e rëndë”, në fshatin Banjskë të Zveçanit.
