Skender Krasniqi dje rreth orës 17:00 ka vrarë me armë zjarri djalin e tij Albert Krasniqi, raporton Gazeta Express.
Pas vrasjes, ai kishte thirrur vet Policinë e Kosovës.
Ndërsa, vrasja nga avokati i tij po vlerësohet të ketë qenë aksidentale.
Avokati i Skender Krasniqit, Ramiz Krasniqi, ka thënë për Express se vrasja e djeshme në Prishtinë ka ndodhur aksidentalisht, derisa ka deklaruar se gjendja e Skenderit është e rëndë.
Ai thotë se Skender Krasniqi ka thënë se aksidentalisht e ka vrarë të birin, derisa nuk ka folur më.
“Ai ka thënë se vrasja ka qenë aksidentale dhe nuk ka folur më. Gjendja e tij është e keqe ai është shumë i mërzitur dhe nuk po flet”, ka shtuar ai.
Avokati Krasniqi ka thënë se Skender Krasniqi asnjëherë nuk ka pasur probleme me Albertin, ndonëse ky i fundit ka pasur probleme me të tjerët.
