Kryeshefi Ekzekutiv i NP “Termokos,” z. Fisnik Osmani, së bashku me nënkryetarin e Komunës së Prishtinës, z. Alban Zogaj, dhe asambleistin z. Amir Simnica, vizituan Xhaminë “Kadërie” në Lagjen e Muhaxherëve me rastin e fillimit të punimeve për kyçjen e saj në rrjetin e ngrohjes së Termokos.
Imami i xhamisë, Hoxhë Baki Imeri, mirëpriti ekipin e Termokos dhe përfaqësuesit e Komunës, duke theksuar rëndësinë e këtij investimi për komunitetin.
“Ky investim është dëshmi e përkushtimit tonë për të ofruar zgjidhje të qëndrueshme për nevojat e banorëve, duke përfshirë edhe objektet fetare që luajnë një rol të rëndësishëm në jetën e qytetarëve,” deklaroi z. Osmani.
Ekipet e Termokos po punojnë me përkushtim për të finalizuar kyçjen brenda pak ditësh, duke garantuar një shërbim cilësor dhe të qëndrueshëm për këtë objekt të rëndësishëm.
