Në natën e ndërrimit të moteve, Kryeshefi Ekzekutiv i NP “Termokos”, z. Fisnik Osmani, vizitoi ekipet kujdestare të ndërmarrjes, të cilat po kujdeseshin për sigurinë dhe cilësinë e shërbimeve të ngrohjes për qytetarët e Prishtinës.
Gjatë vizitës, z. Osmani falënderoi “kujdestarët e Prishtinës së ngrohtë” për përkushtimin dhe gatishmërinë që kanë treguar, duke siguruar një furnizim të pandërprerë me ngrohje për konsumatorët.
Në emër të ekipës kujdestare dhe të gjithë punonjësve të “Termokos”-it, z. Osmani përcolli urimet më të mira për Vitin e Ri 2025, duke shprehur angazhimin e ndërmarrjes për të vazhduar shërbimet e cilësisë së lartë edhe në vitin që sapo ka nisur.
Një Prishtinë e ngrohtë dhe një Vit i Ri i mbarë për të gjithë!
