Prishtinë – Kryeshefi i Ndërmarrjes Publike “Termokos”, Fisnik Osmani, ka përmbyllur mandatin e tij trevjeçar në krye të ngrohtores së kryeqytetit, duke e cilësuar këtë periudhë si një rrugëtim të mundimshëm e sfidues, por me arritje të jashtëzakonshme për ndërmarrjen.
Në një postim publik, Osmani falënderoi stafin e Termokosit, kolegët dhe qytetarët e Prishtinës për bashkëpunimin dhe mbështetjen gjatë kësaj periudhe.
“Ka qenë një rrugëtim i mundimshëm, sfidues por brenda vetes me sukseset më të mëdha që kjo ndërmarrje ka pasur ndonjëherë. Krenaria më e madhe mbetet që sot Termokosi është më i fortë dhe më afër qytetarëve të Prishtinës”, ka theksuar Osmani.
Ai shtoi se shërbimi në krye të ndërmarrjes ka qenë privilegj dhe se arritjet janë rezultat i punës së përbashkët.
