Dogana e Kosovës njofton se që nga sot ka filluar me shitjen online të mallrave të konfiskuar.
Ky sistem pritet t’iu mundësojë të gjithë qytetarëve të Kosovës që të kenë qasje dhe njehkohsisht të marrin pjesë online në ankandet e organizuara nga Dogana.
“Në kuadër të modernizimit dhe përmirësimit të shërbimeve ndaj qytetarëve dogana ka filluar me sistemin me të ri të shitjeve online, ky sistem mundëson të gjithë qytetaret e Republikës se Kosovës që të kenë qasje dhe njehkohsisht të marrin pjesë online në ankandet e organizuara nga Dogana. Sistemi funksionon përmes ueb faqes sonë ku fillimisht kërkohet regjistrimi e pastaj qasja në ankande është automatike”.
“Pas sistemit të zhdoganimeve Asycuda, sistemin e komunikimit online, e-administrates tani sistemi I shitjeve online të mallrave të konfiskuara ka shndërruar Doganen e Kosovës në administraten e parë në vend që ka funksionon 100% online dhe ju mundëson të gjitha palëve të interesit të kenë qasje dhe përdorim të sherbimeve të doganës në menyrë eletronike”, thuhet në njoftimin e bërë nga DK në llogarinë e tyre ne Facebook.
