Ministri i Bujqësisë Faton Peci e ka dhënë sot lajmin e madh për fermerët e Kosovës. Peci ka nënshkruar sot Udhëzimin Administrativ të Programit të Zhvillimit Rural 2022, i cili 7 ditë pas botimit në gazetën Zyrtare, hyn në fuqi dhe menjëherë pas 7 ditëve procedurat e aplikimit do të hapen nga Agjencia për Zhvillimin e Bujqësisë.
Ky është postimi i plotë
26 milionë euro përkrahje për fermerët përmes Programit për Zhvillim Rural / Grante në bujqësi 2022!
Sot nënshkruajta Udhëzimin Administrativ të Programit për Zhvillim Rural 2022, i cili 7 ditë pas publikimit në Gazetën Zyrtare, hyn në fuqi dhe menjëherë pas 7 ditëve do të hapen procedurat e aplikimit nga Agjencia për Zhvillimin e Bujqësisë.
Për aq sa aplikimi do të jetë i hapur, do të organizohen sesione informuese për të gjithë të interesuarit për aplikim, të cilët do të njihen nga afër me procedurat e aplikimit të Programit për Zhvillim Rural.
Masat që do të përkrahen këtë vit janë:
M1 – 13,095, 325.00 euro për investime në asete fizike dhe në ekonomi bujqësore
M3 – 5,836,473.68 euro për investime në asete fizike në purpunimin dhe tregtimin e produkteve bujqësore
M7 – 7,200,000.00 euro për diversifikimin e Fermave dhe Zhvillimin e Bizneseve
M5 – 200,000.00 euro për zbatimin e Strategjive të Zhvillimit Lokal – “Qasja Leader”
