Pas themelimit të Këshillit inicues për Kuvendin e Nëndegës së PDK-së në Kantonin e Gjenevës, ku morën pjesë deputeti Elmi Reçica dhe Arben Gecaj, drejtor dhe zëvendësdrejtor të Departamentit për Diasporë në PDK, ata kanë vijuar edhe sot me takime të veprimtarëve në këtë vend mik.
Këtë e bëri të njohur z. Elmi Reçica nëpërmjet rrjetit social, ku ka shkruar se janë zhvilluar takime “tejet përmbajtjesore me aktivistët dhe veprimtarët e devotshëm të gjitha kohërave dhe me mbështetës të proceseve më të rëndësishme që sollën lirinë dhe pavarësinë e vendit tonë.”
Në foton e publikuar, të z. Reçica, janë veprimtarët e hershëm të çështjes kombëtare dhe të PDK-së të para 20 viteve, Qemajl Rexhepi, Xhavit Bajraktari, Haki Morina, Hilmi Gashi, Hazir Selmani, Sylejman Beqa, Kajtaz Krasniqi, etj.
Postimi i Elmi Reçicës në rrjetin social:
“Takim i përzemërt dhe tejet përmbajtësor me aktivistët dhe veprimtarët e devotshëm të gjitha kohërave dhe me mbështetës të proceseve më të rëndësishme që sollën lirinë dhe pavarësinë e vendit tonë.
Aktivistë të shquar, të vyer e të rëndësishëm të degës së Partisë Demokratike të Kosovës në Zvicër.
Bashkarisht do të punojmë dhe përkushtohemi në organizimin dhe fuqizimin e Partisë Demokratike në diasporë.”