Ministri i Financave, Punës dhe Transfereve, Hekuran Murati ka njoftuar se sot kanë ekzekutuar shtesat e njëhershme prej 100 euro për të gjithë pensionistët.
Murati ka thënë se shtesat janë ekzekutuar për pensionistët e moshës, kategoritë e luftës, pensionet për aftësi të kufizuara, pensionet familjare dhe të invaliditetit në punë dhe pensionet e parakohshme për ata që marrin më pak se 500 euro.
“Ekzekutohen shtesat e njëhershme prej 100 euro për 287,684 pensionistë”, thuhet në njoftimin e Muratit.
Ky është njoftimi i Muratit:
Pas të gjitha përgatitjeve teknike nga stafi i MFPT, sot kemi arritur të ekzekutojmë shtesat e njëhershme për të gjithë pensionmarrësit si në vijim:
– Pensionistët e moshës
– Kategoritë e luftës
– Pensionet për aftësi të kufizuara
– Pensionet familjare dhe të invaliditetit në punë, dhe
– Pensionet e parakohshme, për ata që marrin më pak se 500 euro.
