Hetuesit e EULEX’it kanë bastisur sot zyrat e Organizatës së Veteranëve të UÇK’së, nga ku kanë marrë dosje të cilat aty u dërguan nga dikush i panjohur gjatë së hënës
Telegramisot.com ka siguruar pamje të kamerave të sigurisë, gjatë kohës kur hetuesit kanë hyrë në selinë e OVL-UÇK’së.
Ndërkohë, sekretari i OVL-UÇK’së, Faton Klinaku, ka konfirmuar për Telegraminsot praninë e hetuesve të Speciales.
“Po kanë ardhë hetues të Gjykatës Speciale. E kanë kërku një kopje të atyre dosjeve që na kanë ardhë dje, një kopje që kemi pasur të ia japim Prokurorisë tonë, ua dhamë atyre”, ka thënë Klinaku.
