Një ngjarje e pazakontë ka ndodhur në Greqi, ku një e moshuar jetonte me vëllain e vdekur në shtëpi, i cili kishte ndërruar jetë prej disa ditësh.
Protothema shkruan se bëhet fjalë për një 80-vjeçare, e cila jetonte me vëllain e saj 83-vjeçar.
Kjo ngjarje ka ndodhur në qendër të qytetit të Lamias. Mediat greke raportojnë se e moshuara vuan nga probleme të shëndetit mendor. Ishin fqinjët e të moshuarve ata që sinjalizuan policinë, pas erës së rëndë që kundërmonte në lagje.
Pas kontrollit të policisë, u zbulua ngjarja në fjalë, ndërsa trupi i pajetë i të moshuarit u transportua në morg. Në spital është dërguar edhe motra e të ndjerit për t’iu ushtruar kontrolleve mjekësore.
