Instituti gjerman për sëmundje ngjitëse “Robert Koch” ka njoftuar se gjatë 24 orëve të kaluara në Gjermani janë shënuar katër viktima të Covid-19. Një ditë më parë u regjistrua vetëm një i vdekur.
Në këtë mënyrë, numri i përgjithshëm i të vdekurve nga sëmundja e re në shtetin me popullsinë më të madhe në Evropë shkoi në 9,201.
Lexo Edhe:
Zemaj: Do të kishim shumë vdekje nga koronavirusi, nëse s’do shfrytëzoheshin të gjitha kapacitetet shëndetësore që i kemi
Përpos viktimave, gjatë kësaj periudhe u shënuan edhe 966 raste të reja të infektimeve dhe shifra e përgjithshme e të prekurve shkoi në 217,293, shkruan “The Guardian”, transmeton Gazeta Express. Kjo shifër është më e lartë se 436 rastet e shënuara një ditë më parë.
Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.
Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.
