Policia shqiptare kreu i një super operacion, duke sekuestruar 49 kilogramë kokainë e fshehur në një kontejner që transportonte banane.
Një histori e përsëritur për Shqipërinë, ku linja e trafikut është organizuar nga Ekuadori dhe më pas anijet e ngarkuara vinin në portin e Durrësit.
Po pse policia shqiptare e quajti këtë operacion “Mersin”. Gjithçka bëhet fjalë se ky emër i koduar “Mersin” lidhet pikërisht me portin me të njëjtin emër që ndodhet në Turqi. Pikërisht aty ka qenë e ankoruar edhe anija me kontejner brenda së cilës ishte lënda narkotike. Ky kontejner ndiqej prej 1 muaji nga autoritetet policore
Për këtë superoperacion u arrestua Selim Çekaj, babai i Arbër çekaj. Për publikun shqiptar dhe drejtësinë shqiptare Arbër Çekaj nuk është emër i panjohur. Ai kishte firmën “Arbri Garden” që transportonte banane, por që tre vite më parë në magazinat e firmës falë një super operacioni u sekuestruar 613 kg kokainë.
Në lidhje me këtë ngjarje u akuzuan edhe vartësit e tij Donaldo Lushaj, Armando Pezaku të cilët bashkë me Çekajn dyshohet se kanë siguruar transportin nga Kolumbia në Portin e Durrësit për ta kaluar më pas në tregun Europian.
Prokuroria kishte kërkuar 21 vite burg për Çekajn, kërkesë e cila u pranua edhe nga gjykata, por për shkak të gjykimit të shkurtuar Çekaj përfitoi ulje të dënimit me një të tretën. Ai u dënuar me 14 vite burgim.
